CAPAR

(Zohchunhawk Tlak Pope Francis)

Amah Konglam Tawi

Jorge Mario Bergoglio (Pope Francis) cu December 17, 1936 ah Buenos Aires i khuate pakhat Flores ah a rak chuak. Unau chuakkhat panga lakah upa bik a si a chuahpi nau hna chungin Maria Elena lawng hi a nung. A pa a simi Mario Jose Bergoglio cu Italy ram, Asti Peng, Portacomaro in a rak peem mi a si i tlanglawng lam riantuannak ah cazi a rak tuan mi a si. Mario Jose Bergoglio cu Benito Mussolini fasit uknak in luat duh ah le a fale caah zalonnak le dinnak/rualremnak duh ruahah Italy cu a rak chuaktaak. A nu a simi Regina Mario Sivori cu Italian kokek chungkhar sinin Buenos Aires ah a rak chuak.

CAPAR

AA HUNG MI INNKA

Minung kan nunnak ah hin kan umnak inn i innka long si lo in ni fatin kan hman mi innka paoh paoh khi an rak biapi ngai ngai tiah ka ruah. Cu Innka cu kan khar tik ah a lenglei ral tthalo le mitthalo hna ral in kan him i a chung um mi caah hna a ngam. Sihmansehlaw fimthiamnak lei le hungchonak lei kap ah innka khar bel te ahcun miphun thluknak afoi te. Aa kharmi ram,khualeng a chuak bal lo mi mino,  aa hunglomi Buu hna cu hawi sin an phan lo pin ah buaibai nak a chuahter tu bik an si tthio ton. Cu caah kannunnak innka pi hi kaudeuh in hung hna usih.

1. Pathian le minung kar innka

Minung sualnak ruangah Pathian le minung kar lak zungzal nunnak innka cu rak i khar hman sehlaw Pathian dawtnak nih cu innka cu Bawi Jesuhkhrih in a hun tthan. Misual vialte sual ngeihthiam kan si i Pathian he a remthan mi dirhmun kan phan .Cu aa hung mi innka ah luh ding cu kan rian sungbik le nganbik a si i, i nun pi cio u sih law kan umnak hmun hi Pathian le kanmah kan i ton nak innka a si ti hi philh hna hlah usih.

THAWNGTHABIA

Thawngtha bia ( A Thiangbik Mi Thumkomh Pathian Puai ni)
Baibal relding mi- Deu 4:32-34,39-40; Ps 32:4-6,9,18-20,22; Rom
8:14-17; Mt 28:16-20.
Bawipa Jesuh Kri velngeihnak, Pa Pathian
dawtnak le Thiangthlarua i hawikomhnak cu nan cung um camcin ko seh
tiin hmasa bik in thlaza ka cam.
Dawtmi Krifa u le nau hna ni hin cu kan
theih cia bantuk in A Thiangbik mi Thumkomh Pathian (Most Holy
Trinity) puai asi. Kan hnu zarh kha Thiangthlarau puai asi i, zultu
hna nih zeitindah Thiangthlarau lak sawng an hmuh i thawngtha an chim
ti mi cu kan theih cang. Nihin ah kan Bupi nih Thumkomh Pathian pakhat
asi mi Pa, Fapa le Thiangthlarau puai a kan tuah piak. Cu caah hi puai
kan tuahnak ruang ah hin kan thlarau caah zeidah thazang kan lak lai
ti mi hi nihin kan rel mi Baibal chung ah kan zoh than lai. Catholic
Krifa hna nih thla kan cam fatinte vailamtah hmelchunhnak ah Pa le
Fapa le Thiangthlarau min in tiin kan thawk.

THAWNGTHABIA

Pentecost NiPum khat sinak Ni

Lam :5-7  Cun Jerusalem khua chungah vawleicung khuazakip in a rami Judah mi an um liote kha a si; cu hna cu biaknak lei in aa zuam ngaingaimi pawl kha an si. 6- Cu thawng cu an theih tikah mi tampi an i pum. A zummi hna an holh tikah khan midang aa pum vemi hna nih khan kanmah holh in an holh, tiin an rak theih cio tikah khan an khuaruah a har ngaingai. 7- An lung a suk ngaingai hna i, “Hiti in bia a chimmi hna hi Galilee mi an si ko tung! 8- Zeitindah kan i chuahkehpimi holh cio holh in kan dihlak in kan theih kun hna?’

Jn 16:14-15  Keimah nih ka rak in chimhmi hna chung khan an chimhmi hna cu a lakmi a si lai caah keimah kha a ka thangthat lai. 15- Ka Pa ngeihmi vialte cu keimah ta an si ko, cucaah cun, ‘Thlarau nih cun ka pekmi cu aa lak lai i nannih cu an chimh hna lai,’ tiah ka rak in chimh hna kha a si,” a ti.

THAWNGTHABIA

6^th Sunday of Easter

A voikhat Bible relnak - Lamkaltu 10:25-26.34-35.44-48

Salm 98:1.2-3.3-4

A voihnih Bible relnak – 1Johan 4:7-10

Alleluia – Johan14:23

Gospel – Johan 15:9-17

            Dawtmi Khrihfa nu le pa, u le nau hna catholic Bupi kal ningah tu tan cu Bawi Jesuh Khrih a thawh`han hnu a zarhruk nak kan phang hna cang. Tu zarh kan rel mi Bible hna hi kan zoh hna a si tik ah cun Pa Pathian nih Fapa Jesuh dawtnak le Fapa nih a zultu kan nih vialte hna a kan dawtnak; “Dawtnak in pakhat le pakhat” kan i pehtlaihnak kong kha kan hmuh.

Nai kan dum chung kaa chawh pah in a hmui ngai mi rim pakhat ka theih. Ka pawngkam hrawng ka hei ngiat ah khin, rose pangpar a bor `ha ngai mi, aa dawh ngai mi a par ko kha ka hmuh.

THAWNGTHABIA

Bupi ah nunnak aum

26.    Khrih Bupi cu a nungmi Pathian Bupi a si (Cf; 1Tim. 3:15). Cu Bupi chungah cun Khrih nih amah pum a simi Changreu kha a chiah tak (Cf; Jn. 6:51). Bu `hen`hek pawl cu thlarau thi an si (Cf; Judas 1:19).  Khrih Bupi chung i a ummi nunnak changreu a ei-mi cu zungzal in a nung ding mi an si caah Thlarau chan ahcun  Bu ah nunnak a um. ~hen`hek bu ahcun nunnak a um lo.

1Tim. 3:15    “Pathian Innchungkhar cu zungzal in a nungmi Pathian Bupi a si.”

Jn. 6:51    “Keimah hi vancung in a rung`um mi nunnak chanreu cu ka si” tiah Jesuh nih a ti.

Judas 1:19     “Hi hna pawl hi cu bu `hennak a chuahpitu an si caah  Thlarau an ngei lo.”

Jn. 6:51     “Hi changreu a ei-mi poh zungzal in an nung lai” tiah Jesuh nih a ti.

Sual ngaihthiamnak cu Bupi ah aum