Sualthlahnak sacramment

Voi (52) Satember,2011 Hnangam tertu cauk chungah lahmi a si.

''SUALTHLAHNAK SACRAMENT''

Sualthlahnak sacrament a naih mi hna nih  Pathian zangfahnak in a cung i an sualnak caah ngaihthiamnak kha an hmuh i, caan khatte ah, ansualnak in hma an putter mi Bupi he ani rem.

I. MAH SACRAMENT CU ZETINDAH AUH A SI?

Mah Sacrament cu lungthlennak sacrament tiah auh a si.

Zeicatiah Jesu nih lungthlennak lei i a kan auhnak sacrament a si. Sualnak in an tlaunak in pa sinah an rak kir hmasatnak karhlan a si (CF. MK.1 :15:LK.15:18)

Sual dantatnak Sacrament ti-in auh a si. Zeicatiah a sualmi Krifa kha sualdantatnak le sualmanliam duhnak leiah a lungthlennak nih a kalpi.

Sual Phuannak Sacrament tiah auh a si. Zeicahtiah sualnak kha siangbawi sinah chim hi a biapi ngaimi a si caah a si.  A thukdeuh in vun ruah ah cun sualphunnak cu Pathian thiannak kong le misual mi cung a zangfahnak kha hngalhtheihnak le thangthatnak kha phuan a si. Sual ngaithiamnak Sacrament tiah auh a si. Zeicatiah siagbawi nih sacrament phung in sualthlahnak a vun pek tikah Pathian nih a sual aa ngaichih mi kha ''Ngaihthiamnak le Daihnak'' a pek.


Remnak Sacrament ti zong in auh a si. Zeicatiah mah nih hin remtu pathian nunnak kha misual mi sinah a pek; '' Pathian he i rem tuah u, '' (2Cor.5:20) pathian zangfah dawtnak in anung mi nih pathian auhnak kha leh awkah timhcia in a um. ''Va kal law na unau he vaa rem hmasa'' (Mt. 5:24).

II. ZEICAHDAH REMNAK SACRAMENT A HERH?

''Nannih cu kholh nan si cang, nannih cu thianter nan si cang, nannih cuBawi Jesu Kri min le kan Pathian a Thlarau in thiamcoh nan si cang'' (1Cor.6:11). Sualnak nih Krifa si hramthawknak sarament hna ah Pathian nih a kan pek mi laksawng tampi kha sunsak a hau. Kri aa hruk mi hna caah sualnak in luat ning kha hngalhthiam a hau (Gal. 3:27). Sihmanhselaw Lamkaltu John nih a chim: '' Kannih nih sualnak kan ngei lo kan ti ahcun kanmah le kanmah kan ihleng i biatak cu kan chungah a um lo'' (1Jn.1:8).  Bawipa nih thlacam an kan cawnpiak. ''Minih kan cung i an sual tikah kan ngaihthiam hna bangin kan sualnak kan ngaithiam ve tuah'' (Cf.LK. 11:4; Mt. 6:12). Pathian nih a kan pek hnga mi ngaihthiamnak cu pakhat le pakhat kan i ngaihthiamnak he pehtlaihnak a ngei.

Kri sinah lungthlennak, Tipil nak in hrinnak thar, ThangThlarau laksawng le Kri pum le Thi kha rawl in kan cohlan mi nih hin  kanmah kha'' A thiangmi le dotla'' ah a kan ser. Kri a Lengnu a si mi Bupi cu '' A thiangmi le dotla'' a si bantuh khan (Eph.1:4;5:27). Krifa si hramthawknak ah hmuhmi nunnak thar nih minung sinak i tiat lonak le derthawmnak kha a hrawm lo i, sual duhnak lungthin zong a hrawm lo. Mah hna hin Kri vel bawmhnak thawngin Krifa hna nih an nunnak ah an awk in a taang ko. Mahhi lungtlennak i cakcanghnak  si i thiannak le zungzal nunnak leiah a kan hawiter mi a si. Mah thisa duhnak he i cawlcanghnak in Bawipa nih ngol lo in a kan auh zungzal.

III. TIPIL CANG MI HNA LUNGTHLENNAK

Jesu nih lungthlennak ah a kan auh. Mah auhnak hi Pennak kong thawngttha chimhnak ah a herh ngaimi a si. ''Caan a tling cang i Pathian pennak cu a nai cang, i ngaichih ulaw thawgttha kha zum u''(Mk.1;5). Bupi phunga chimnak ah mah auhnak ah cu Kri le a Thawngtha a hngal lo mihna sihah chim hmasa.

Tipilnak cu a veikhatnak le a herh ngaimi lungthlennak hmun a si.  Thawnttha zumhnak le Tipilnak in, mi pakhat nih thatlonak kha a hlawnh i khamhnak kha a hmuh,  cucu sualnak vialte in ngaihthiam nak le nunnak thar laksawng a si.

Kri nih lungthlennak ah a thangh zungzal ko. Mah veihninhnak lungthlennak cu Bupi caah a cat khawh lo  mi rian a si banginveikhat ah a thiangmi a si i thlenhnak kha a her zungzal fawn, i catlo in sualdantatnak le tharchuahnak lam kha a zul zungzal. Mah lungthlenhnak ca i zuamnak hi minung riantuanhnak men a si lo. A kan dawtu Pathian a zangfah dawtnak kha  vun lehnak vel nih a hmuh i a cawlter mi '' Aa ngaichih mi lungthin'' i tuahsernak a si (Ps.51:17;Jn. 6:44; 12:32; 1Jn. 4:10)

A Bawipa kha veithum tiang a hlawthnu i Peter lungthlennak nih mah kong ah tehte a khaan. A dong kho lo  mi Jesu a zangfahnak nih Peter kha sualngaihchihnak mitthil a luanter i, a thawhthan hnu ah veithum tiang a dawtnak kong kha a fehter ve (Lk.22:61;Jn. 21:15-17). Veihnihnak lungthlennak ah a auhnak cu Bupi dihlak caah a si ti a fiang, ''I ngaih chih u'' (Rev. 2:5-6). ''St. Ambrose nih lungthlennak phunhnih kong kha hi bangin a chim! Bupi chungah ''Ti le mitthli a um; tiin Tipilnak le mitthil in sual i ngaichihnak an si''.