AA HUNG MI INNKA
Minung kan nunnak ah hin kan umnak inn i innka long si lo in ni
fatin kan hman mi innka paoh paoh khi an rak biapi ngai ngai tiah ka ruah. Cu
Innka cu kan khar tik ah a lenglei ral tthalo le mitthalo hna ral in kan him i
a chung um mi caah hna a ngam. Sihmansehlaw fimthiamnak lei le hungchonak lei
kap ah innka khar bel te ahcun miphun thluknak afoi te. Aa kharmi ram,khualeng
a chuak bal lo mi mino, aa hunglomi Buu hna cu hawi sin an phan lo
pin ah buaibai nak a chuahter tu bik an si tthio ton. Cu caah kannunnak innka
pi hi kaudeuh in hung hna usih.
1. Pathian le minung kar innka
Minung sualnak ruangah Pathian le minung kar lak zungzal nunnak
innka cu rak i khar hman sehlaw Pathian dawtnak nih cu innka cu Bawi Jesuhkhrih
in a hun tthan. Misual vialte sual ngeihthiam kan si i Pathian he a remthan mi
dirhmun kan phan .Cu aa hung mi innka ah luh ding cu kan rian sungbik le
nganbik a si i, i nun pi cio u sih law kan umnak hmun hi Pathian le kanmah kan
i ton nak innka a si ti hi philh hna hlah usih.
2. Fimthiamnak innka
Miphun sersiamnak ca ding ah a her bik mi hriamnam cu fimthiam
nak hi asi .Pathian sin in a ra mi fimnak hi duhnak thinlung tak he kawl hna
uh. Miphun a kalnak ding a fiangter tu a si.Nan fimthiamnak tu hi nan pumpak
ralvennak le nan min tthatnak men ah si lo in miphun thlachuah phurtu ah sihram
seh.
3. Thanchonak innka
Minung hi vawlei ah sifah santlai lo in a nung i vawlei a
thangchiat tertu ding ah Pathian tumtah mi le duhpiak mi kan si lo .A sermi
vawlei in thilttha chuahter ding ah le a sermi thil hna kha zohkhen tuding ah
thlachuah pek mi kan si (Gen1:26). Cu caah nan nunnak, nan fimthiamnak le nan
chawva hna cu Bawipa caah le Buupi caah hmang usih law nan tuahmi thilpauh ah
hlawh tlinnak le nan ruahmi ah khua awng a pem mi fa le nan si nak hgna
thlachuah nak hmuh ko uh ti hi ka thlacam nak asi. Bawmhaumi si lo in mibawmtu
si ding ah Pathian nih innkaa kaupi a hunmi chung ah lut cio dingin I zuam ko
uh.
4. Petlaihnak innka
Hi hi kan khua kan ram, kan miphun le kan Buupi caah a herh
ngaimi asi thiah ka ruah. Ramchung, ramleng (ramthumnak) le Malaysia+ India
(Refugee camp) tiah hmunthum ah kan um tik ah biaknak dang hna bantuk in peng
le tlang long zoh in kan ttang sual ve ah cun kan i petlaihnak innkaa pi cu a
khar lai i lung hrinh nak nih a vun zulh lai. Pakhat le pakhat zonruah nak a
zor lai I Pathian le Buupi hna nak in mahleh innchungkhar le peng le tlang ca
tu ah thazang chuah duhnak lungthin achuak te lai i kan ruahmi ah parttha an
par kho ti lai lo pin ah theittha zawng an tlai kho lem ti lai lo. Theittha a
tlaihrat lo cun kan hawi buu dang mit ah kan niam chin leng mang ko lai.
Mintthat duhnak le mahzong long ruahnak nih miphun dawtnak le tthanrualnak
thinlung a tlau ter i Buupi zong a thluk ter kho. Cu caah atu thawk in cu thin
lung cu kan ngeinak hnga lo le kan ngeisaul ah cun thlau hna usih law kan i
petlaih nak innka hi kaupi in hung cang hna usih. America nih Roket an rak tuah
i thlapa cung kai an i timh cu midang teinak ca le tthihphaih nak
caah a rak si nain a tu ahcun vawlei daihnak caah le khualtlawn tti nak ah an
hman cang. (America, Russia,Tuluk etc) an i lungrinh nak thinlung kha an thlau
cang.Cu bantuk in kan nih zawng Catholic spirit ngei ve ding in thlacam uh sih
law kan innka cio hi dawtnak thinlung he Buupi ca le mikip caah hung cang hna
usih. Ni hin ah kan lungthlite in niam ngai in kan zoh mi
pa khi thaizing ah kan cung um ding in Pathian nih a cawi khawh ti hi philh
hrim hlah usih. Kan i pethaih nak hi level sang ter deuh usih law thuk deuhpi
in khua ruat cio hna usih tiah nan zapi, siaherhnak nganpi he bia kan cah hna.
Buupi le kan Diocese caah nan saduh thah bantuk in tlam
atlin khawh nak lai nan thinlung, nan chawva le nan ruahnak biatak chuah in rak
pe hram uh. Nan kawlhawl nak ah Bawipa nih tlamtlin ter ko seh!
Fr. Philip Lian
Director of Social
Communication and RVA Chin Service
Pastoral Center, Hakha
Diocese
Chin State, MYANMAR