Bupi ah nunnak aum
26. Khrih Bupi cu a nungmi Pathian Bupi a si
(Cf; 1Tim. 3:15). Cu Bupi chungah cun Khrih nih amah pum a simi Changreu kha a
chiah tak (Cf; Jn. 6:51). Bu `hen`hek pawl cu thlarau thi an si (Cf; Judas
1:19). Khrih Bupi chung i a ummi nunnak
changreu a ei-mi cu zungzal in a nung ding mi an si caah Thlarau chan
ahcun Bu ah nunnak a um. ~hen`hek bu
ahcun nunnak a um lo.
1Tim. 3:15 “Pathian Innchungkhar cu zungzal in a
nungmi Pathian Bupi a si.”
Jn. 6:51 “Keimah hi vancung in a rung`um mi nunnak
chanreu cu ka si” tiah Jesuh nih a ti.
Judas 1:19 “Hi hna pawl hi cu bu `hennak a chuahpitu
an si caah Thlarau an ngei lo.”
Jn. 6:51 “Hi changreu a ei-mi poh zungzal in an
nung lai” tiah Jesuh nih a ti.
Sual ngaihthiamnak cu
Bupi ah aum
27. Jesuh nih sual ngaithiamnak nawl a ngeihmi
cu lamkaltu hna sinah a pek (Cf; Jn.
20:22-23) ruangah sual ngaihthiamnak cu Bupi chung lawngah Jesuh nih a chiah
tak. Cucaah, Jesuh nih kan sualnak a kan ngaihthiam khawhnak dingah Lamkaltu
hna he aa pehtlaimi Khrih Bupi chungah kan um a herh. Aa `henmi bu ahcun Jesuh
a umlo caah sual ngaihthiamnak zong a um lo.
Jn. 20:22-23 “An cungah a thaw a chuah hnawh hna i ‘mi
an sualnak nan ngaihthiam hna ahcun ngaihthiam an si lai’ a ti.”
Bu ah Khamhnak a um
28. Khrih nih nupi `hit ding in minung semka in a rak timh cia
cang (Cf; Gen. 2:24). Khrih nihcun monu pakhat lawng a `hit lai i cu a `hit
dingmi cu Peter lung cung i amah tuah mi monu kha a si lai tiah prophet hmurka
in an rak chimchung cang (Cf; Bia. 21:9; Is.62:5). Khrih nih monu a simi Bupi a
`hit ruangah pumkhat ah an cang. Khrih cu Bupi a lu a si i Bupi cu Khrih a pum
a si. (Cf; Kolose 1:18). Cu a pum cu Thiang Thlarau in kan umpi zungzal lai
tiah bia a roh tak (Cf; Mt. 28:20).
Martin Luther le azultu pawl tuahmi bu cu
Khrih nih a `hitlo caah Thiang Thlarau an ngei lo i Khrih ta an si lo (Cf;
Judas 1:19; Rom 8:9). Adam nih a nupi
`hitnak caah a hnakruh a pek bangin Khrih zong nih a Nupi `hitnak dingah a hnak
in a chuakmi a thisen a pek ve (Cf; Lam. 20:28). Khrih cu a thisen in a cawkmi
Bupi i khamhtu a si i khamhcia mi lawng Bupi chung ah an lut kho. Cu caah
Thiang Thlarau chan ah cun Bupi chung ah Khamhnak aum (Cf; Efesa 5:23; Lam.
2:47). Bu `hen`hek ahcun khamhnak a um hrimhrim lo.
Gen. 2:24 “Cu caah, pa nih a nu le pa kaltak in a
nupi he an i kom. Cuticun thisakhat ah an cang”.
Lam. 21:9 “Vancungmi nih ‘ra law, Tuufa nupi ding Mo
thar kan hmuhter lai’ tiah a ti.”
Isaiah 62:5 “Nang zong an sertu nih an `hit lai.”
Efesa 5:31-32 “Ca
Thiang nih ‘hi ruangah hin pa nih a nu le a pa a kaltak hna lai i annih cu
taksa pumkhat an si lai’ a ti, ‘hi Cathiang pinah khin a thukngai mi bia sullam
a um i cu biathuk cu Khrih le a Bupi an i pehtlaihnak a si’ tiah a ti.”
Colose 1:18 “Bupi cu Khrih pum a si i Khrih cu a lu a
si.”
Mt. 28:20 Jesuh nih ‘caan dongh hlantiang nan sinah
ka um zungzal lai’ tiah a ti.
Judas. 1:19 “Hi hna pawl cu Bu `hennak a chuaktertu an
si, taksa duhnak nih a ukmi hna le thlarau ngei lo pawl an si.”
Rom. 8:9 “Khrih Thlarau a ngeilo mi hna poh cu Khrih ta
an si lo.”
Lam. 20:28 “A thisen in a cawkmi Bupi.”
Efesa 5:23 “Khrih hrimhrim cu Bupi khamhtu a si i
Bupi cu a pum a si.”
Lam. 2:47 “Cun Bawipa nih nitin tein khamnak a hmumi
hna kha an bu chungah a luhter zungzal hna.”
5th Sunday of Easter
Baible rel ding mi
Lamkaltu 9:26-31, Ps
21, 1John 3:18-24, Jn 15:1-8
“Mitsur nge nih amahte
in thei a tlai kho lo”
Dawtmi RC fale hna nan
um nak cio ah kan
biak mi Pathian nih
thluainchuah cio hna sehlaw, in umpi cio zungzal
hna seh tiah hmasabik
in thlaza ka cam. Nihin cu thawhthan dih zarhpi
ninga (Fifth Sunday of
Easter) a si cang. Atu lio thawngtha kan thei
mi cu kan bawipa
thinak in a thothan hnu ah, zultu pawl an nunning le
an rian tuan nak kong
hi tam deuh in thei a si. Khri athi hnu ah Peter
le Johan te an
thawngtha bia phuang mi kan zoh tik ah thiangthlarau in
an i khat ti cu fiang
tein hmuh khawh asi (lamkaltu 4:8). An chung ah
akhat mi cu
thiangthlarau thawnnak thawng in bawipa bia a kar chinchin
nak hnga caah an
nunnak kha an i pek.
Nihin kan rel mi
avoikhat nak baibal
chung zong ah kan hmuh
mi cu Khrifa hna cung ah hremnak a rak tuah mi
Saul, a lung aa thleng
i thawngtha bia phuang a thawk ve tik ah Jesuh
i zultu a rak si mi
Peter le a hoi le a va tong hna ti a si (lamkaltu
9:27). Saul nih alung
a thlen nak kong cu theicia bantuk in Khri
hrimhrim nih ceu nak a
pek mi pa si. Kan mi nung si ning in kan ruah
ahcun zultu hna sin
zong ah kal a herh lo ti khawh a si. Atu kan chan
hi a si ah cun kei cu
zei siang inn in pei degree ka lak cu, a hodah
ton ahau tiah kan ti
kho men. Sihmansehlaw, Jesuh nih a chim mi
“mitsur nge nih amahte
in thei a tlai kho lo” ti mi hi Saul nih a rak
theih caah a si.
Bawipa nih a thim mi zultu hna he i pehtlaih lo ah
cun thei a tlai kho lo
ti kha a langhter. Zultu hna he an ni tong i an
mah sin a um ve hnu ah
Bawipa min in raltha ngai in phung achimh (Lam
9:28). Hi bantuk in
Pathian duh nak kha an rak tuah caah an chung zong
ah thiangthlarau nih
rian atuan i zumtu kha a karh chinchin.
Avoihnih baibal relnak
chung ah cun Johan
ca kuat chung in asi i
dawt nak kong asi. Dawtnak ti mi cu hmur ka
lawng si lo in dawt
nak taktak in thil tinak ah nan lang ter lai ti
si. Zultu hna nuncan
ziaza hna kan zoh ah cun dawt nak ti mi hi zei
dah a si ti kha
hmukhawh a si. Thawngthabia an phuang lio ah upa pawl
nih an thlaih i
biaceihtu hmai an chuah pi lio ah zeihman tih lo in
bia an chim. Cu bantuk
bia chim ngam nak cu khoi ka dah a ra ti si ah
cun dawtnak in a ra mi
a si (cf lam4:20). Bawipa an dawtnak cu
ahohman nih khamh
khawh a rak si lo. Mitsur ruang asi mi Jesu he kan
i peh lo ah cun nun
nak a um lo ti kha fiang tein an hngalh I amah kha
an dawt caah tih nak
lungthin lung ngei lo in Bawipa an dawtnak cu an
nun nak in a tehte an
khan.
Johan thawngthabia
chung ah Jesuh nih
kei cu misur ruang ka
si i nan nih cu nge nan si tiah a kan ti. Acan
can ah a cheu khrifa
hna nih nge lawng in thei tlai khawh a si tiin in
aruah mi tam pi an um
ton. Jesuh nih cun kei cu mitsur ruang ka si i
nan nih cu ka nge nan
si, ruang he i peh tlai lo ah cun thei a tlai
kho lo i, thei a tlai
lo mi nge cu ka tan lai i mei ah paih asi lai
tiah ati (Jn 15:1-8).
Kei mah he a peh lo mi nge zong cu hlon asi lai
a kan ti rih. Cu
caah,dawt mi khrifa u le nau hna kan nun nak ah
Bawipa he bia tak tein
kaa peh maw ti mi hi tha tein ruat than u si.
Aruang asi mi Bupi
(Efesa 5:23) he i peh lo in theitlai khawh asi tiah
kan ruah sual ah cun
mei ah paih kan si sual lai. Cusi caah kannih nih
Bawipa sunpar nak kan
hmuh nak hnga caah a ruang he in peh in a
nawlbia (dawtnak) kha
zulh i zuam u sih.Cu tin kan um ah cun Pathian
nih a kan dawt lai i
thluachuah a hmu mi fale kan si lai.
Fr. Michael Van Lian