Teitu Bawi cu kan Bawi
a si.
Thawhtthan lawmhnak
(Happy Easter)
Kan Bawipa cu teitu a
si i, kannih a fale vialte zong teitu fale kan
si cang. Amah he kan
um i a kut kan i tlaih paoh cu teitu kan si ve
lai.
A ho dah a tei?
Misual hna hmang in
amah kha hloh a timhtu Setan kha a tei. Misual hna
hmang in a cung ah
nihsawhnak, sersatnak le faknak phun za kip a tuah
nain kan Bawipa nih
toidornak le Pa Pathian nawl ngainak he kaa khat
hmanh leh lo le
thinhungnak zeihmanh langhter loin a ing dih caah
Setan cu a tei. Setan
a sung.
A ho hna dah misual an
si?
Misual kan timi hna cu
Setan tukforhnak a tei lo i Setan fialnak kip
in a cawlcangmi pawl
an si. Setan nih a hmangmi pawl an si. Mi cung ah
thatlonak le sualnak
an tuah nain an hnu-um Setan kha kan hmuh thiam
ahcun an cung thing
hung loin an ca tu thla cam a hau. Kan Bawipa
bang,"Bawipa zei
kan tuah ti an hngal lo, an sualnak ngaihthiam hna,"
kan ti a hau. Cutin
kan ti khawh ahcun kan nih zong kan Bawipa bang
teitu kan si ve lai.
Hihi teitu kan Bawipa
nih teinak lam a kan chimhmi a si. Cun teinak
nan duh ahcun kan
bawmh hna lai a kan ti rih. Hihi Easter lawmhnak,
thawhthan lawmhnak a
si. Cucaah nihin ni ah hin i lawm hna usih. Cun
zungzal lawmhnak kan
conak hnga kan bawipa nih a kan chimmi lam cu zul
hna usih. Thawngthan
lawmhnak cu nan cung cio ah um ko seh.Amen,
Halleluia!
--
Fr.David Khin Hmung