.: Mary Nuu cannak

Sunday, December 23, 2012

Mary Nuu cannak

Mary; Nuu cannak hi temhinnak he a khat tawn. Nazaret khua in Mary zong hi a Pathiannu sinak ah infahnak phunphun a tong ve. Ainfahnak le a lung lawmhnak cu NU ti mi hna vial te nih fawi te in theih piak khawh asi. Mary cu fapa Zisu a chuahlio ah hin amah lawng a rak um I a rak hmuh hmasami a si hlei ah a thih lio zong ah a pawng ah a um mi a si.

A hrin lio te ah bawhte in a rat kha a hmu hma sa I, a thih lio ah a khamhtu sining in a fapa Zisu cu a hmuhmi a si-kan ti. Vancungmi Gabriel a rat hlan tiang Mary nunnak te cu lungtling ngai a si. Khi hlan te ah letama pa Joseph timi ca ah Mary cu hamhmi a rak si I,tthitumnak ca ah a timh lio te a si.

Sihmanhsehlaw, anunnak cu zungzal in phundang ah a thlen cang. Vancungmi hna hi vawlei ah thlah an si tik ah –thanhhmasanak zeihmanh an tuah tawn lo. Muidawh I zuamnak ah alutbal hlei lo mi, sihmanhselaw, vawlei cung pumpaluk (contest )ah a pakhat nak hmuhmi (congratulation) biachawnhnak cu, vancungmi Gabriel sin in a rak theih tik ah, tihphannak he a khat ko. Vanmi nih a vun chimhmi thongpang cu, cu lio can Israel nungak vial te nih an hngak cio mi le an niruahchan cio mi thawngpang a si. Cu cu,“ Messiah na sin in a hrin lai ” ti hi a si. Pathian biakamhmi khamhtu pa kong asi.

Mary nih lung awtomnak a ngei lo. Sihmansehlaw, zei tin dah fapawi ding cu a si khawh lai ti kha a rak hal. Gabriel nih, cu fapa cu Pathian fa si lai a ti. Mary nih a leh mi cu, Pathin nih minung hna sin in can sau pi tiang a hngak riangmang I, a rak thei bal lo mi ,lehnak a si. “ KEI MAH CU PATHIAN SAL NU KA SI……..NA BIA BANG IN SI KO SEH” ati(lk.1:38). Hi hnu in Mary thangtthat, lawmhnak hla (lk.1:46-55) nih hin zei tluk in dah Mary nih Pathian a theih ti kha a kan fiang ter. Zei ca ah tiah hi hlaa thiang cu alung chung in a rakchuah cawlh ko I sertu Pathian kha athangtthat khawhcawlh ca ah,a lung thin hi Pathian bia (OT)he a khat mi a si ti hi a fiang.

Simeon nih fapa Zisu kha biak inn thiang ah pechanh a rak si lio ah khan, Pathian nu si nak ah aa tawn hngami lung reitheihnak le harnak phunphun theih cia but e in Mary cu punghman te in Pathian a dawt , a zumh I, Pathian duhnak kha a donghtiang a zulh. Mary lungput le dirhhmun hna hi Messiah bawipa nih a duhmi umnak hmun cu a si. Hi advent canthiang ah hin Mary sin in I cawn hna uhsih! Nangmah tah Pathian nih amah nih aherh a ti ning poah in ka hmang ve ko seh na ti kho hnga maw???

Fr. Hre Kung

“Bishop Lucius Hre Kung i tuanbia tawi”

“Bishop Lucius Hre Kung i tuanbia tawi” “Bishop Lucius Hre Kung cu Laitlang Thangtlang peng, Hnaring khua ah 24 February, 1959 kum ah a chuak. A pa cu Peter Pu Thieu Ling a si i a nu cu Maria Daw Mua Ki a si. U le nau chuakkhat pasarih (7) an si i, amah cu a panga (5) nak a si. Nu pahnih le pa panga an si. Fapa hna lakah amah cu a pathumnak a si. Amah hnu ah a nau le nu pahnih le pa pahnih an um. Bishop cu 1975 kum ah Pyin Oo Lwin (Maymyo) ah Minor Seminary ah a lut i 1980 tiang cu Minor seminary a um. Cun Philosophy cu 1981 -1983 tiang Yangon ah a cawn i Theology zong cu 1983—1987 tiang Yangon thiamthiam ah a cawn. Tlangbawi cangnak (Priestly Ordination) cu Archbishop of Mandalay, Archbishop Alphonse U Than Aug nih February 23, 1989 kum ah a pek i ,a rauhlan ah kum 25 (Silva Jubilee) a tling colh ding khi a si. Tlangbawi a cang hnu ah Bishop Lucius Hre Kung i First posting cu Tidim ah a si i 1989—1997 tiang Tedim ah a um. Cun second posting cu 1998—2006 tiang Hnaring ah le cun third posting cu 2007—2013 tiang Cathedral, Hakha ah a si. A pa, Peter Pu Thieu Ling cu Lautu ram ah RC zumnak a hruai hmasakbiktu pakhat a si. 1959 kum ah Fr. Bareigts le Fr. Roy ( MEP ) (Hakha Siangbawi) pawl kha Hnaring khua ah a hruai hna i RC zumnak cu a thawk. Cuhleiah, Hnaring, Lautu peng in Zotung, Zophei lam tiang RC zumnak a karh tertu a si. Siangbawi pawl Hnaring khua ah a hruai hnu kum thum a tling tikah a pa, Peter Pu Thieu Ling zong tipilinnak a hmuh ve. A pa cu a kum 92 a si ah 2004, June thla ah vawilei nunnak in aa dintak hna. Vanthat ah cu lio cu bishop Lucius Hre Kung cu Hnaring a um lio caan a si i a pa ruak zong amah nih a vuai. A nu cu a tu tiang in a nungpi rih hna i a kum 90 a si. Jesuh Krih hrangah pumpektu pawl lak ah pakhat a si ve bang in a nun chungah zulh dingah aa tthim mi motto hna cu: Brother (Major Seminarian) a si lio ah a ‘motto’ cu “Suffering, Silence and Prayer—Zonzaih retheinak, Daite in umnak le Thlacamnak” timi a si i Siangbawi Ordination a ngah hnu ahcun a ‘motto’ cu “Thy Will Be Done—Na duhnak bang in si hram seh” (Cf. Mt 6:10) timi a si. Bishop a cang hnu ah a “Motto” cu “Thy Kingdam Come— Na Pennak tlung ko seh” (Cf. Mt. 6:10) ti a si. A Motto cu “Na Pennak tlung ko seh” timi aa tthimnak a ruangpi cu Pathian riantuantu pakhat a si bangin; Hakha Diocese in thawk in kan Lairam dihlak tiang Pathian i dawtnak tlung hram sehlaw, miphun pakhat le pakhat, biaknak khat le khat karlak ah rualrem tein Amah Pathian caah le kan miphun ca-ah kutsit bu tein rian kan ttuan tti kho nakhnga dingah a tthimmi a si.”1 2013 kum October 19, zarhte ni ah leicung kip um Catholic buupi i kan pa bik a simi Pope Francis nih Hakha Diocese chung tlangbawi pakhat a si mi Msgr. Lucius Hre Kung cu Hakha Diocese caah bishop si dingah a tthimnak thawngca cu Vantican khualipi in a thanh. Hakha Diocese chungah Laitlang ram chungin Hakha peng, Thangtlang peng, Falam peng, Matupi peng le Mindat peng ti in telh dih a si. Hi Hakha Diocese chungah a ummi laimi diklak cu 720,397 a si i catholics cu milu 31,397, cun tlangbawi milu 63, biaknak bupi diklak 80 a um ti theih a si.2 Vantican News: Pontifical Acts-19 October February 2, 2014 ah Lairam, Hakha khualipi, St. Joseph Cathedral ah amah i Bishop cangnak (Episcopal ordination) cu Kawlram um Catholic diklak hna i kan pa bik a simi, Archbishop of Archdiocese of Yangon, ArchBishop Charles Maung Bo nih a pek. 3 Bishop Lucius Hre Kung cu Hakha Diocese i bishop a si caah a tthutnak tthudanpi cu St. Joseph Cathedral ah a si. Amah i a umnak hmun residence pi cu Zethit Qtr., Hakha, Chin State, Myanmar a si. Reference : 1 A cungah ka rak ttialmi Most Reverent bishop Lucius Hre Kung tuanbia hi Hakha Diocese cu a thar in hruaitu si dingah Bishop si dingah tthim a si hnu ah Hakha Pastoral Center in Salai Sanrain nih 6.11.2013 ah interview a tuahmi hna chungin lakmi deuh a si. Hi interview cu rel tthan na duh ahcun Fri, Nov 29, 2013 at 10:21 AM, BAREIGTS@yahoogroups.com ah fr kipthawng email min in Fr. Pual Kip Thawng nih a rak thlahmi a si. 2 Vantican News: Pontifical Acts-19 October: On Saturday, 19 October, the Holy Father: - appointed Msgr. Lucius Hre Kung of the clergy of Hakha, Myanmar, as bishop of the same diocese (area 10,045, population 720,397, Catholics 31,397, priests 63, permanent deacons , religious 80). The bishop-elect was born in Hnaring, Myanmar in 1959 and was ordained a priest in 1989. He has served in a number of pastoral roles, including: parish priest of Tedim, parish priest of Hnaring, vicar of the vicariate forane of Hakha, parish priest of the Cathedral, and vicar general.

Sunday, December 23, 2012

Mary Nuu cannak

Zawgyi le Unicode thlenkhawh asi