Bible rel nak= 1-nk Fimnak 1: 13-15,2: 23-24
2-nk 2cor 8: 7,9 13-15
Gospel: Mk 5: 21-43
SERMON:

Ser tu kan Pathian nih a dawt mi a Minung hna hi thil phunhnih kop in a kan zohkhen in a hraui zungzal ton.A can ah lunglawmh nak,le Ngeihchiat nak,A can ah damnak le zawtfah nak,a can ah Thihnak le Nunnak tiah chiatnak le tthatnak kop he in a kan auh ton. Zei catiah a mah kha fekte in kan I bochan khawh nak hnga,Har nak chung in Nun a kan cawn piak ton.Sihmanhseh Minung si nak in harsat nak le Thihloh nak ti mi cu beidawng nak a kan phak pi tu a si ton.

Kan Bible thiang nih Minung cu veikhat thih cu ruat kan si ti mi kan I fian ko bu in thih nak cu mizei hmanh nih lunglawm te in cohlang khawh in kan I sian kho hrim lo.hrial khawh nak lam kawl in luat nak lam kan dap zungzal ton.Zeica tiah thih nak cu Minung si nak in a dongh nak a si I, lungrawk nak a phan ter tu longlong a si.

Zeiruangah dah thih nak hi a rak um?Khawika in dah a rat?A ho dah a ser? ‘’Thih nak cu Pathian ser a si lo.Minung thih men ding hi Pathian duh ning a si lo. (Fim nak 1: 13) ah kan hmuh.Pathian ser a si kun lo ah cun khawika in dah a rat hnga? Zoh tuah hna uh sih…Mi pakhat thawng in Sual nak cu Vulei ah a tlung I,Cu sual nak nih cun thih nak kha a rat pi.Cu caah Mi vialte an sual dih cang caah thih nak nih cun Mi vialte cu a ciah dih hna, (Rom 5: 12) tiah a kan cawn piak.Cu ruang ah sual nak nih cun Taksa le Thlarau thih nak tiang a rak tlun pi.Cu ruang ah mizei poah nih zeitluk mifel ,miding, mittha .mithianghlim zong nih sual nak chung hrin mi fa kan si ruang ah mi zeihmanh an luat kho lo.loral hmasa kan hau.

Pathian nih Minung cu a mah mui lo in a ser ruang ah thutthiam (loralthai) lo ding in a ser hna.tiah (Fim nak 2:23) ah a kan theih ter tthan fon.Kan Pathian a vel ruang ah a fapa thih nak thawng in mi vial te sual ngaihthiam kan si i,cu caah thiamco ter kan si,kan rak thlau mi pathian din nak vel kha Krih thawhtthan nak thawng in Ti le thlarau in tipil nak kan in thawng in a thiangthlarau a kan co ter.Cucu a thih thiam lo mi le a thu man kho ti lo mi Thlarau nun nak lak sawng ro a kan co ter.

Ni hin thawngttha ah Jairu fanu a dam nak kong a kan theih ter. Damter kho tu Bawi a si ti kha a fian i, lungawtawm nak pelpoi te hmanh a ngeih lo caah zaa ah zaa ai bochanh i a zumh ngamh nak in a fa nu cu nun nak a hmuh phah.Cu lio ah Nu pa khat a thih chuah nak in kum (12) a si cang nu a beidawng cang mi nu nih cu thawngpang a theih tik ah damter kho tu jesuh a rat ding kha can ttha lak in a hngak ruangmang ko.Zeicah tiah hi nu nih Vulei cung Dr, thiamsang vialte hna sin a ngeihchia chawva vialte ek lak in ai thlop nan dam nak a hmuh kho ti lo.

Moses nawlbia cun nu nih an thianghlim lo ah cun an pa salsin ah si seh, an chungkhar ah siseh umti tthutdir khawh a si lo .Hawi lak zong i chawkvak khawh a si lo an mah Judah nawlbia nih aa khap.Hi nu a nun beidawng ding khi ruat tuah hmanh uh sih.Cu lio i Mirun pi lak ah thih le hnai he jesuh puan ki tongh ding in a nun nak dihlak a can dihlak in pum a pe mi a nun nak khi ruat tuah! Ningzak ralchiat nak vial te aa ruat kho ti lo.Zeicah tiah ..Damter kho tu Bawi a si kha a fian.Cu cah Mi run pi lak ah Jesuh puan ki a par pahlek te a zumh nak in a tongh kha Dam ter kho tu Krih nih a theih tik ah a dir cawlh i a ho dah ka puan ki a tongh tiah a ti hna? Cu tik ah Mi nu cu hmakhat te damnak tlamtlin taktak kha a hmuh.

Unau ni hin nang le kei kan nitin kan khuasak nak ah..Harsat nak kan ton can ah na beidongsual maw? Ser tu kan Pathian na mawtchiat sual maw? Har nak a pin,phen te ah lawmh nak thlachuah nak innka pi nih a kan awrh ko ti hi philh hna hlah uh sih.Har nak chungin Pathian nih a mah bochan nun ngeih hna she tiah a kan cawn piak ton.Har nak chung in jesuh he I ton ding ah le a mah muihmel kan i fian khawh hnga hi thawng hmang in Bawipa nih a thar in thlachuah nak kan pe piak ko seh…..
By….PeterSuithawng
Melbourne