Kan nau pa Paul Lie
Maw sawm nak in ni hin “Nu” sung lawi ni ah hin nan mah hna he kan Khuzing Pathian pek
mi a gan bik lak sawng sung a si mi “Hring tu Nu” thlachuah rel tti cu tim ve a
si. Hi bang in can a ka pe tu kan Patian le kan
nau pa cung zong ah hin tam pi lom nak ka ngei i Bawipa nih thla chuah hram
she! Kan nun nak ah a bia pi bik mi “Hring tu Nu” thong tha thlua chuah rel hi
fa le caah thla chuah ngan ngai kan co hlang nak can tha bik a si caah can le
thil nih a ka pe lem lo nan a si khawh chung in ka rak zuam ve lai tin lung
lomh nak ngan pi he ka rak tim ve mi a si.
“Nu” ti bia fang chim hi a foi tluk in
“Hring tu Nu tak” dir hmun hun dir awk hi cu a har tuk mi thil le nun a
si. Hring tu “Nu” hi kan mah hna nih kan duh in kan ni thim kho
mi si lo in kan Khuzing Pathian nih kan mah caah rem a ruat mi a tha bik a ti
mi a kan pek mi lak song sung law a kan “Hring tu kan Nu” a si deu ti hi a can
ah mi tam pi nih kan ruat ton hna lo. A
bik in kan lai nun phung ah hin tu ni ban tuk
in “Hring tu Nu le Pa” hna cawi mawi upat nak te hna zei hman kan
ngei lo mi zong hi khat lei in kan
cham bau nak le ngai chiat awk ngai mi
pa khat a si.
Khuzing Pathian nih kan mah hi kan nu
thi le sa hman in thla kua chung kan nu paw chung ah kan mi nung pum hi a kan
ser mi mi nung kan si. Cu hlei ah pawfa nak tam pi tuar hnu ah leng ah a kan
hring I a tang chung pom in chun zan it lo in a hnuk thlum din in kum hnih
chung rawl hrang kan ei khawh hlan vial te a kan cawm hoi mi “Hring tu Nu” tu
kan nu hi kan mah pa khat ceu ah hin rak um hlah seh law ni hin kan dir hmun hi
kan phan kho hna nga lo ti mi zong hi kan ruat bal hna nga maw tin a bik in ni
hin hi hei ruat ceu uh si ti ka duh ngai ko.
U nau hna kan mah hna cu Kawl Ram chung
mi kan si caah kan kiang kap kan hoi u nau hna kan hei zoh ah cun Hring tu an
Nu le Pa hna an upat zia te khi a dawh ngai in ka hmuh mi pakhat te theiter
cheu bang kan duh ngai mi hna cu hi tin a si …. Kan hawi kawl Buddish mifim
pawl cu Hring tu an Nu le an Pa a si khawh lo ah an “NU” keneh kha khiang rang
cung ah an lak i an tlon len nak ram kakip ah an ni ken thong in thin lung him
nak le deih nak; long si lo in fimthiam nak lei ah than cho nak; ngandam nak
leh chawva car rum nak thlua chuah phun kip kan co hlang ton an ti. Mah keneh
cu foi ten an hmuh an lak kho mi si lo in can tha lak in cawimawi rawl dang nak
he sunglawi ngai in an Hring tu an Nu le Pa sin ah sunglawi ngai in an hal mi
nun ro a si.
A zei khawm a va si ah kan
lai nun phung hman ah rak um cia hlah seh law tu kan
mah chan ah hin zei dah kan
tua kho ve nga? Kan
ti khawh chung te ti ve awk a si lo maw?
Dawt mi u nau hna mi phun, holhka le nun phung ziaza zei tluk a dang
hman she law Vanrang Kau tang a um mi nung ti mi poh nih Hring tu Nu le Pa a
bik in “ Hring tu Nu” duhdawt nak fa le nih kan nun nak ah kan her zia le Hring
tu Nu nih a fa a dawt zia hi cu a khat zungzal.
Pathian Khuzing tak le minung tak a si mi kan biak mi a nung Pathian Zisu Kri hman nih
a her ve mi Hring tu Nu a si.
U nau hna, kan
Bawipa Zisuh nih Hring tu a Nu Mary kha kum sawm thum chung tha zang he lehtama
rian tuan in a rak cawm ti cathiang nih a kan chimh.
Hring tu a Nu Mary nih a duh a her mi vialte a si khawh chung in a tlin
ter, a tua piak: a Nu her mi ti a thei tik ah khuarua har awk tlak in Tithiang
hman Mitsur hang thlum ah a ser piak ti
kha Jn 2: 2-11 cathiang nih fiang ten a phuan.
Cu lang si lo in a vai lam cung ah a thih lai te hman ah sia her ngai in
a nu a mah long a tan lai a sian lo caah a dawt bik mi zul tu John sin ah Hring
tu a Nu Mary kah John hring tu a Nu ban tuk in zo khen awk ah a cah tak kah kan
bibal nih a kan cawn piak rih.
U nau hna, Krifa kan si caah NU Mary cu
kan mah nu zong a si ve i tu May thla hi kna Nu Catholic bu pi nih kan Nu,
bawinu Mary thla, Kan Nu Mary Rosary tam deu in cam nak thla tin a kan ti i a
si khawh chung in pel lo tem kan um nak khuaza kip ceu ah hman hman ten Rosary
thla cam nak in Hring tu kan NU le caah a bik in upat dawt nak pek in a nung mi
kan biak Khuzing Pathian thlua chuah co hlang kho tu fanu fapa hna si zuam ceu
uh si ti sawm kan duh han.
Hi kong he peh tlai in 9th
May 2012 ni ah Var tiva chung ah ngak nu ruak pa kha an char i a tu tiang a
min, a khua thei lo a si. Hmanseh, cu
ngak nu nu kut ah Rosary te a khih hlei ah a kut dawng ah Rosary kut dawng
hrawlh zong a hrawlh caah Falam Catholic bu pi nih kan Nu Mary aa bo chan tu, a
upat tu a duhdawt ve tu pakhat a si ve ti in Falam Catholic mino pawl nih he
siang bawi he upa pawl he tha ten tlak rawh thlan thar ah an vui. U nau hna, cu caah kan Nu Mary bo chan i
Rosary thla cam hi a thei lo mi hna caah sullam angei lo ban tuk a si nan kan
mah Catholic fa le hna caah cun kan thih hnu kan thlarau ca long si lo in a tu
hi volei cung zong ah hin tha hnam nak thla chuah a tam pi kan co hlang nak
thilh thiang tha pa khat a si ti thei chin kan duh hna.
U nau hna, cung lei kan ni ruah cia mi
vial te hi bia tak ten hei ruat uh si law kan Bawipa Zisu hman nih hi tluk in a
nu a upat a dawt nak a lang ter a si ah cun Krifa kansi a ti lio mi kan mah hna
zong Hring tu Nu ni tin can kan nun phung ah kan ngei lo zong ah kan mah leh ti
thei tawk ten Hreing tu na Nu nu cu zei tluk in dah na upat cang na dawt cang? Tu long si lo in hmai lei na nun nak chung
poh zong ah nu dir hmun a dir lio mi a dir lai mi kan nu pi le kan far le cung
ah zei tin dah a thar in upat leh dawt hna uh si tin forh sawm bu in a rel tu
nan cung ah kan biak mi a nung kan Khuzing Pathian nih “Hring tu Nu” dawt upat
tu cung a pek mi thlua chuah cho hlang tu rak si ceu hram uh!
Tiah lung lomh nak tam pi he,
Sr. Faustina
Sung Nawn, SJA