Solemnity Of Corpus
Christi
Asunglawimi Bawipa
Thi le Sa Puai
Khrih chung i dawtmi
u le nau, mingnung khamhnak caah aherh bikmi cu Jesuh Khrih zumhnak hi a si.
Zumhnak kan ngeihnu ahcun, Jesuh nih a kan cah takmi nunzia he khrihfa kan
sinak kha langhter a hau. Khrihfa zumtu hna caah a biapibik mi thlarau nunnak
kha Khrih nih a chiahtakmi cu Amah Thi le Sa a si. Cuasi caah, a sunglawimi
Bawipa Thi le Sa cu khrihfa hna caah a hrampi le a sangcemmi pakhat ah a cang.
Vawleicung i khual atlawngliomi khrifahna caah a thiambikmi doctor Jesuh nih a
kan pekmi sii cu Amah Thi le Sa a si i thlarau nunnak caah eiawk hrimhrim cu
asi. Cu ruangah, Khrih nih a kan chimmi cu ‚Keimah cu vancungram in a rungtummi
nunnak changreu ka si, ka thi le sa a eilotu nih cun zungzal nunnak an ngah kho
lai lo‛ (cf;
Jn 6:41;53) a kan ti. Jesuh he pumkhat taktak si a duhtu pawlnih cun Amah
Thi le Sa kha ei le ding hrimhrim a herh. Kan eilo i kan dinglo a siahcun Amah
he pumkhat taktak kan sikho lailo. Amah he pumkhat taktak kan silo ahcun Amah
he zungzal nunnak kan co kho lai lo tinak a si.
Atuchan ah, Khrih
nih abiapitak a kan timi Amah Thi le Sa cu micheu nih ei an duh ti lo. Mah le
mah zong eiter lo dingah an ichiah i midang zongnih eikho lo dingin an isertu
zong a um rih fawn. Minung innchungkhar caah Pathian nih a kan timhpiakmi cu
einak in a hrawhter. Aruang cu, Adam le Evi nih eilo dingin Pathian nih a
khammi; a `ha le chia hngalhkhawhnak thingthei cu nawl ngaiduh lo ruangah an ei
i an thi. Mah bia ngaiduhlonak cu sualhrampi ah a cang i Adam le Evi fale hna
vialte nih kan cohlang dih. Thingthei an einak thawngin a langhtermi thil
pakhat cu;Pathian timtuah piakmi bantuk sitilo in anmah le anmah nih an i
raktimhmi nunning in an nungduh tinak a si. Khammi thingthlai an ei
ruangah, an ruahmi nunnak siloin thihnak tu kha hi vawlei ah an tlung ter. Sihmansehlaw,
Pathian nih a dawt caah thihnak in nungthan an sinak hnga, a dawtmi a fapa i a
kan pekmi nunnak thingthei eithan khawhnak nawl a kan pek. Zeiruangah tiah cun,
thihnak thingthei einak thawngin minung cu thihnak lei ah an phan bantukin
nunnak thingthei einak thawngin nunnak a pekthannak caah a si.
Adam le Evi an sual
hnu ah; nunnak thingtlai an ei suallai tiah Pathian nih a duhlo caah; Eden dum
laifang i a ummi nunak thingkung cu vancungmi Cherobim le a hermi meisa vannam
he a kilter tiah (Gen.3:24) a kan chimh. Cu nunnak thingkung cu zeidah asi
hnga? Vun zoh tarih u sih:- ‚Aman sungmi le khuaruahhar awk rawldum
`inak nih khamhnak a keng i a thawtmi rawl vialte a um dih. Cu bantuk rawl nak
in a man- sung deuh mi cu a um kho lai maw? Biakam hlun caan ahcun, minung
sualnak caah saram fate le meheh that in raithawinak cu tuahtawn asi,
sihmansehlaw, atu ahcun Pathian taktak asimi Khrih Amah hrimhrim nih a Pa
Pathian siah a pumpi kha Calvary vailamtah biak`theng cungah Pathian he kan
hawikomnak caah raithawinak a tuah cang. Kan tlanhnak le thianhnak caah amah
thi cu thlet asi i sualnak vialte in a kan thianter cang‛ tiah mithiang
Augustine nih a ti.
Sihmansehlaw,
hibantuk ruahnolhnak ngaipi cu Khrih a zumtu pawl nih changreu le mitsurhang
muisam in eiawk caah kanmah he zungzal in a hmunnak hnga apumpi cu kan rawl
siawk ahle athi cu dinawk caah a chiahtak hna. Sihmansehlaw, Khrih nih a kan
chiahtakmi calvary thlangcung vailamtung biak`heng cung i a tlaimi nunnak
thingthei cu zumtu mikip nih einak nawl an nei tilo. Zeiruangah tiahcun, A
hohmanh nih an naihkho lailo i Cherobim le a hermi mei vainam in an conghmi
Eden dum laifang i nunnak thingthei (cf; Gen.3:24) cu Nu Mary pawchung ah a rak
sem i vailamtah cung h a tlai. Cu thingthei cu changreu nung ah a cang (cf; Jn. 6:43-51) i
Pentecost Ni ah an tuahmi Khrih Buupi (Catholic Buupi) chunglawng ah a um
ruangah a si. Cu changreu nungcu nifatin tein Catholic zumtu hna nihcun einak
nawl an ngei bantuk in eiawk zong a um caah nifatin tein ei le ding an si. Cu
changreu a donghtiang a eitu cu Van Jerusalem zongah nun- nak theingthei cu
zungzal in ei an si lai (cf; Bia. 2:27) a ti. Sihmansehlaw, Khrih bupi chung i
a umlotu hna nihcun einak nawl an ngei ti lo.
Cucaah, dawtmi u le
nau, thihnak thingthei cu hlonh u sihlaw nunnak thingthei eiawk ah baibal a
tuahtu le a ngeitu asimi Catholic Buupi chungah fektein umcang u sih. Nunnak
thingthei a umnak hmun Catholic Bupi chungah midang hna zong sawmh izuamcio hna
u sih. Cutiin kan um lawngah, thlarau zuam- nak ah teitu kan silai i khamhnak a
hmuhtu taktak zong kan si lai.
2
Baibal Cacaang;
Gen. 3:24 ‚Pathian
nih … Cherubim vancungmi hna le zeitilei poh in aamer khomi mei vainam kha a
chiah hna. Annih nihcun nunnak thingkung kha a hohmanh nih naihkho hna hlah seh
tiah an cawngh‛.
Jn. 6:43,52 ‚Jesuh
nih ‘Keimah cu vancung in a rungtummi nunnak changreu ka si, hi changreu a eimi
poah zungzal in an nung lai’ tiah a ti.
Rev. 2:7 ‚Teitu hna
cu … nunnak thingthei einak nawl ka pek hna lai a ti‛.
Bawi Khrih chung i
dawtmi u le nau hna; Jesuh Khrih nih a pum thiang le a thi cu Bupi chung i
Missa Raithawinak chungah Bawipa Thi le San kan hlan tikah a kan pek
taktak tiah na zum cang maw? Khrih nih amah thi le sa kong he pehtlai in
awlokchawng in um dingah a kan duh ti lo (cf; 1King. 18:21). Lum ah cun lum
lawlaw, kih ahcun kih lawlaw ko asilo ahcun a kan luak sual lai (cf; Rev.
3:16). Cuasicah; Jesuh le Baibal zumtu kan si bantukin zumlo in umti lo in
biatak tein zum cang ko hna u sih (cf; Jn. 20:27).
Baibal Cacaang;
1Siang. 18:21 ‚… Zei
candah bei lengmang in ruahnak pahnih he nan kal lai? ...‛
Bia. 3:16 ‚A lum
menmen na si i a lum zong na lum lawlaw lo i a kih zong na kih lawlaw fawn lo
caah, ka kaa chungin kan chak lai‛.
Johan. 20:27 ‚Cun,
Thomas cu a thawh i, ‚Hika ah hin ra law ka kut hi zoh tuah hna; cun ka hnak
kha ka tawng tuh. Zum loin um tihlah, zum cang ko‛ tiah a ti.
# Dawtmi u le nau;
Jesuh Khrih nih amah Thi le Sa cu kan pum le thlarau nunak rawl caah a kan
pekcang caah, nifatein zumnak taktak he hlan khawh peng dingah zuamcio hna u
sih.#
Pathian nih thlua in
chuah ko hna seh!
Fr. Paul Kip Thawng
Hakha.