Jesuh krih nih vailamtaknak ah a chimhmi bia (7)
Luka 23:34
1. 34Jesuh nih aa thawh i, “Ka Pa, ngaithiam hna. An tuahmi hi
zei a si ti awk an hngal lo,” tiah a ti. Camcawhfung zuh in a hnipuan kha an i
phaw.
Luka 23:43
2. 43Cun Jesuh nih cun, “Mah hihi kan chimh: nihin ah Paradis
ah keimah sinah na um lai,” a ti.
Johan 19:26-27
3. 26Cuka i a nu le a dawtmi a zultu an dir ko kha a vun hmuh
hna i a nu cu, “Ka nu, khaka ah khan na fapa a um khah,” tiah a vun ti, 27a
dawtmi a zultu zong cu, “Khaka ah khan na nu a um khah,” tiah a vun ti ve. Cu
caan thawk cun cu zultu nih cun Jesuh nu cu a inn ah a umter.
Matthai 27:46
4. 46suimilam pathum tluk ah khin Jesuh cu a au i,”Eli, Eli,
lema sabakthani,“ a ti, a sullam cu, “Ka Pathian, ka Pathian, zeicahdah na ka
kaltak,” ti a si.
Johan 19:28
5. 28Atu cu zeizong vialte kha a tling dih cang ti kha Jesuh
nih cun a hngalh i Cathiang nih a rak chimmi tlinternak caah khan, “Ka ti a
hal,” tiah a ti.
Johan 19:30
6. 30Jesuh nih mitsur zu thor cu a vun dawp i, “Aa lim cang,”
tiah a ti. Cun a lu a khun i a thi.
Luka 23:46
7. 46Jesuh cu aw thangpi in a au i,
“Ka Pa, na kut chungah ka thlarau kha ka chiah,” tiah a ti. Cucu a chim dih in
a cat.