Dawt mi u le nau hna,
A can can cu, Pathian rian tuan mi hna long hi Pathian nih fak deuh in a auh hna tiah kan ruah ton i, kan mah le kan mah hi Pathian nih a kan hmang lo tiah ka rel ton. A tak tak ahcun kan ngah mi le kan nung ning vial te cu Pathian duhnak le remnak ruangah an si dih ti hi nan nih he bia ruah ti buin, rel a huam mi caah ka rak thlah ve. (Hi hi cu "Discerning Vocation ti mi Franscan achieve in quotation ka tuah mi a si)
Kawhnak ti mi cu zeidah a si?(what is a vocation?)
Kawhnak ti mi cu Pathian nih minung pakhat cio sinah a pekmi a sang bikmi thluachuah a si i, khuaruah harnak le ruachannak vialte cungah a sullam a tlamtlin tertu a si. Pathian laksawng cu kan ngei dih i, nature ah (pumsa, thlarau, innchungkhar, ngeimi chawva, thiamnak, fimnak le khonh) tiah a laksawng cu ka ngah cio. Hi hna cu kan nunnak ah kan ngahmi kawhnak tlamtling ter dingah a kan pekmi thluachuak hna an si. Hi hna hi ṭha tein kan hman ahcun kan nunnak ah ṭha tein kan kal kho lai i, Pathian vancung pennak ahcun ṭha tein kan phan lai, asinatein ṭha tein kan hmang lo ahcun kan nunnak ah a leh in harnak kan hmuh hleiah Vancung pennak he kan ni hlat te lai. Cun, harnak kan ni ton paoh ah Pathian dantatnak tiah kan ti kho lo zeiruangah kan ti ahcun, a can can cu kan cohlangnak cungah a mutti i, Pathian kan nunnak ah lam dang a kan hruai duh ruangah zong a si.
Kawhnak ti mi cu khoi kaa in a ra? (Where does a vocation come from?)
Kawhnak timi cu a thiang bikmi, Thiang thlarau sin in a ra i, Bawi Zisuh le Pathian thluachuah he a khat mi, kan nu a si tu, Nu Mary hna i karlak ah remnak an peknak hi a langh ter. Cun, mah nih hin a kan theihter lengmang mi cu, bawmhnak le ruahnak hmanh hi Pathian sinah mah le mah tein felnak ngeih dingah fakpi in izuam mi hna cungah a pek. Mah kawhnak hi cu a thupbik mi le duhnak lungthin ruangah kan thlacamnak in kan theih i, cun atu le atu, zungzal nunnak ah thatnak caah a velbawmhnak he kan theih.
Kawhnak a phunphun a um i, cu kawhnak vialte cu Pathian nih kan nunnak ah hmang dingah a kan pek mi a thuachuah hna an si. Nu le Va siding in, Siangbawi cannak le Sister cannak tiah a kan pek. Nu le va ti cu vawlei cungah a velbomhnak a si mi hrintu si dingah amah sinah biakamnak tuah i, Pathian nih a pekmi rian cu an tlamtlin ter.
Cu bantuk cun, Siangboi le Sister hna cu a Thawngṭhabia phuang dingah Pathian nih a rak thim hna i, a hnu zul i Biakamnak he a thongṭha bia an phuang.
Cu ruangah kan nu Bupi ahcun a ho hmanh nih lut sawh sawh i, kan nung lo. A kan pekmi rian hi a velbomhnak he ṭha tein ka tlamtlin ter lai tiah biakamnak tuah bu in kan nung dih. Cun, kan tuah mi Biakamnak bantuk in a rian cu fel tein ṭuan dih cio kan ni herh. Biakamnak timi cu Company pakhat ah rian a ṭuan lai mi hmanh nih an tuah mi a si i, a sullam cu ṭha tein ka ṭuan lai tiah biakamnak a si. Kan nih zong kan tuah mi biakamnak vialte cu Pathian velbawmhnak le a thluachuak hi ṭha tein ka hmang lai tiah bia hmai thinak a si.
Cu caah a kan pek i kan ni lak ciomi kan nunnak te ah hin, amah caah a ṭhami rianṭuantu hna kan si khonak hnga izuam cio usih tiah thazang pek buin,
Sr. Monica Zungmen fmm