Adventu
Zarhkhatnak, (December 2, 2012)
-
Latin holh “Adventu” cu, lai holh in “a
ra” tinak asi.
-Christmas
hlan zarhpi 4 asi. Zarh 1,2 hi Jesuh siangpahrang i,
veinih ratthannak
le Zarh 3,4 hi bawhte i a chuahnak aveikhat ratnak kong;
ruahawk
le timhtuahawk ah Bupi nih a kan sawm.
Bible
relnak:
Jeremiah 33:14-16/
Ps 25:4-5,8-9,10,14/
1Thesolonians 3:12-4: 2/
Luke 21:25-28
*Kan rel mi Bible chung i, “a ra”
biafang
in thlarau ttawnnak la hna uh sih.
1) A
veikhat ratnak: Jesuh a chuahnak
*Jer 33:14 “Hngak ko….a ra lio. David Nge, ..ka corh ter lai.”
-Pathian cu a bia
kamhmi cung ah ahmun, a philh bal lo. (Tulhtam le tlolh a ngei lo).
-Minung tu nih kan hngah khawh lo, asilo
ah a bia a tlinh ning ka theihhngalh lo tu khi a si tawn.
-A ro/a thi cang mi thing, a nge a corhthan
lai ti cu, ‘asi kho lailo’ ti awk asi.
-‘Siangpaahrang David hrinsor chung in, amahnak i a lianngandeuh mi a ra
te lai’ ti cu
Judah mi hna nih kum tampi an hngah mi le an ruahchannak ‘Pathian
Biakam” asi.
-Mah
biakam cu “Jesuh kansin i, minung i a chuahnak” in a tling cang.
-Asi kho ti lai
lo kan tican i, si kho ding i khua a kan khanpiak tu cu kan Pathian a si.
-Lungdongh lo i a hngakmihna cung ah
thluachuahlunglawmh a va si dah.
‘Hngak ko….a ra
lio.’
2) A veinih ratnak:
Jesuh ratthannak
*1The 3:13 “a mi vialte hna he
a rat tik ah” ti le Lk 21:27 i,
“khuadawm cung I a rat kha nan hmu lai” timi hna hin, sunparnak he a rat
tthannak (a veinih ratnak) kong an kan theih ter.
-Krifa hna i kan ruahchanhnak nganbik cu
Jesuhkrih a rathan lai i,
a zumhmi vialte hna, van i kan Pa sin ah, zungzal
ahmunhmi nunnak, nuamnak ah a kan hruai
te lai” ti hi a si.
-Mah ruahchannak cu Jesuh i Biakamh
asi i, a phan hnga tatak dingmi zong asi.
-Lungdongh lo i kan hngah ding cu
Pathian i a duh mi le a kan forh mi asi. ‘Hngak ko….a ra lio.’
3)
Nifatin i, kan nunnak i a ratnak: Jesuh he pumkhat sinak
*A
veikhat ratnak cu kum 2000 tluk asi cang i, aveinih ratthannak tu le
hmailei
chimhkhawh lo asi rih fawn tikah, nifatin kan sin i a ratnak tu hi biapi in la
tuah uh sih.
-Zeitindah kan i timh, zeitindah kan sin ah
kan umter i kan nunterhnga, ti hi ruahawk aherh ngai.
-Toidornak, dawtnak le
ziazatha i thennak, thlacamnak le lunglomhnak he kan i timh awk asi.
-Khamhtu Bawi
hmaika
ah kan ‘toidawrnak’ cu apakhatnak a si ko.
-Kan Bawipa i a duh mi cu dawtnak he
kan lungthin le nuntuzia thatnak i, i then hi asi.
-Thlacamnak nih nuntuzia i thlennak a kan pek.
Kan chungah anung i a chung ah k
-Pathian kansin aum ‘Emmanuel’
ti cu, Lunglawmte le panhte i kan cohlan awk asi.
*Decemberthla
a phan hi cun, lampi le dawrkip ah tamhnak, meiceu le thildawh phuntling in a
khatdih.
Christmas hla le, timlamhnak dandang hnanih lungthin le pawngkam ah
hmunhma a lak.
Nomhnak, lehpannak(lentecelh) le puai nih a kan hngah i, kan
ngeih tuk ve.
*Christmas
i “a chuahcam” kan tuahnolhnak, lianngannak i a ratthannak kan ruahchannak le
nifatin
kansin i “a rat” nak ruanghin,
Bawipa Jesuh nih ngandamnak,
lunglomhnak le thlarautthawnnak a thar in kan pe
ko seh.. Amen.
Lunglomhnak le Thlacampiak bu in…
…Fr. Pius Cung